Toshkent, O’zbekiston (UzDaily.uz) — Ozarbayjonda O‘zbekiston, Ozarbayjon va Turkiya harbiy xizmatchilari ishtirokidagi «Birlik kuchi – 2026» qo‘shma harbiy mashg‘ulotlari yakunlandi. Bu haqda Ozarbayjon Mudofaa vazirligi matbuot xizmati xabar berdi.
Mashg‘ulotlarning yopilish marosimi harbiy orkestr ishtirokida o‘tkazildi. Tadbir davomida Ozarbayjon, Turkiya va O‘zbekiston davlat madhiyalari yangradi.
Marosimda so‘zga chiqqanlar mashg‘ulotlarni o‘tkazish uch mamlakat harbiy xizmatchilariga tajriba almashish, jangovar tayyorgarlik darajasini oshirish va do‘stona aloqalarni mustahkamlash imkonini berganini taʼkidladi.
Harbiy xizmatchilar murakkab relyefga ega hududda va real jangovar vaziyatga imkon qadar yaqin sharoitlarda vazifalarni bajardi. Mashg‘ulotlar yakunlari bo‘yicha ularning professionalligi, taktik tayyorgarligi va belgilangan vazifalarni bajarishdagi harakatlar muvofiqligi qayd etildi.
Rasmiy qism yakunlanganidan so‘ng mashg‘ulotlar davomida alohida ajralib turgan harbiy xizmatchilarga sovg‘alar topshirildi.
«Birlik kuchi – 2026» qo‘shma harbiy mashg‘ulotlari 22 sentyabr kuni boshlangan. Manyovrlar Qorabog‘ iqtisodiy hududidagi “Qizilg‘aya” va Naxichevon Muxtor Respublikasidagi “Qorabog‘lar” o‘quv markazlarida, shuningdek, Ozarbayjonning Kaspiy dengizidagi hududida joylashgan «Byoyuk Zirya» o‘quv poligonida o‘tkazildi.
