Toshkent, O’zbekiston (UzDaily.uz) — O‘zbekiston terma jamoasi tennischisi Humoyun Sultonov Osiyo o‘yinlarining to‘rtinchi davrasiga chiqdi. Uchinchi davra uchrashuvida u Janubiy Koreya vakili Kvon Sunvu (Kwon Soonwoo) bilan bahs olib bordi.
Uchrashuv to‘xtatilgan paytda Sultonov 3:0 hisobida oldinda edi. Kvon Sunvu uchrashuvni davom ettira olmaganidan so‘ng o‘zbekistonlik tennischi musobaqaning to‘rtinchi davrasiga yo‘llanmani qo‘lga kiritdi.
Shu tariqa, Humoyun Sultonov Osiyo o‘yinlaridagi ishtirokini davom ettiradi.
