Венгриянинг ишчи виза бериш тизими соддалашиши мумкин

Тошкент, Ўзбекистон (UzDaily.uz) — Вазирлар Маҳкамаси ҳузуридаги Миграция агентлиги, Ташқи ишлар вазирлиги, Ички ишлар вазирлиги ва Мамлакатимизнинг Венгриядаги элчихонаси вакилларидан иборат Ўзбекистон делегацияси Будапешт шаҳрида бўлиб, бир қатор вазирлик ва идоралар масъуллари, маҳаллий рекрутинг компаниялар раҳбарлари билан  икки томонлама ҳамкорликни мустаҳкамлашнинг янги истиқболларини муҳокама қилишди.

Томонлар, ушбу давлатда вақтинча меҳнат фаолиятини олиб бормоқчи бўлган юртдошларимизга виза бериш тартибини соддалаштириш истиқболларини биргаликда ўрганишга келишиб олди. 

Шунингдек, Ўзбекистон делегацияси сафар давомида, Венгриядаги юртдошларимиз билан ҳам учрашди.