Тошкент, Ўзбекистон (UzDaily.uz) — Ўзбекистон Рақобат қўмитаси «Uklon UB» МЧЖ ХКни йўловчиларни ташишга буюртмаларни жойлаштириш ва такси хизматларини кўрсатиш бўйича воситачилик хизматлари бозорида устун мавқега эга рақамли платформа оператори деб эътироф этди. Бу ҳақда Ўзбекистон Рақобат қўмитаси хабар берди.
Идора маълумотига кўра, тегишли қарор Рақобат қўмитасининг буйруғи асосида қабул қилинган.
Uklon UB фаолиятида устун мавқени суиистеъмол қилишнинг олдини олиш мақсадида антимонополия комплаенс тизимини мажбурий жорий этиш белгиланган.
Бундан ташқари, рақамли платформа оператори фаолияти устидан антимонополия тартибга солиш тўғрисидаги қонунчиликка мувофиқ мониторинг олиб борилади.
