Тошкент, Ўзбекистон (UzDaily.uz) — Ўзбекистон ва Канаданинг Arras Minerals Corp. компанияси геология-қидирув ва тоғ-кон саноати соҳаларида ҳамкорлик қилиш истиқболларини муҳокама қилди.
Музокаралар 28 октябрь куни Ўзбекистон инвестициялар, саноат ва савдо вазири ўринбосари Шоҳрух Ғулямов ҳамда компания бош ижрочи директори Тимоти Барри иштирокида бўлиб ўтди.
Томонлар истиқболли конларни қидириш ва ўзлаштириш соҳасидаги ҳамкорликни кенгайтириш имкониятларини кўриб чиқди.
Arras Minerals — 2021 йилда ташкил этилган, бош қароргоҳи Ванкувер шаҳрида жойлашган Канада геология-қидирув компанияси. У мис ва олтин конларини қидиришга ихтисослашган.
Музокаралар якунида томонлар эришилган келишувларни янада ишлаб чиқиш бўйича амалий қадамларни белгилаб олди.
Муайян лойиҳалар, инвестициялар ҳажми ва уларни амалга ошириш муддатлари ҳақида маълумот берилмаган.
