Тошкентда “Hyatt Regency” меҳмонхонаси фойдаланишга топширилди
Тошкент, Ўзбекистон (UzDaily.uz) --
Тошкент шаҳрида, Шанхай Ҳамкорлик Ташкилоти (ШҲТ) Саммити бошланиши арафасида “Hyatt Regency” меҳмонхонаси қурилиб, фойдаланишга топширилди.
“Hyatt Regency Tashkent” ШҲТ Саммитида иштирок этиш учун етиб келаётган ўзининг дастлабки меҳмонларини қабул қилди.
Меҳмонхонада 301 та хона бўлиб, уларнинг 15 фоизга яқини премиум-синфга тегишли.
Қайд этиб ўтамиз, “Hyatt Regency” меҳмонхонасининг қурилиши 2013-йилда бошланган эди. Лойиҳанинг умумий қиймати 205 млн. АҚШ долларига яқин маблағни ташкил этди.
