Тошкент ва Шанхай ҳамкорлик тўғрисидаги меморандумни имзолашди
Тошкент, Ўзбекистон (UzDaily.uz) --
Тошкент Ҳокимияти ва Шанхай (Хитой) мэрияси ҳамкорлик тўғрисидаги меморандумни имзолашди. Бу ҳақда “Жаҳон” АА хабар берди.
Агентликнинг қайд этишича, мазкур ҳужжат Тошкент шаҳар ҳокимиятининг Шанхай шаҳрига ташрифи доирасида амалга оширилди.
Меморандум 2017-2019 йиллар давомида икки шаҳарлар ўртасида ўзаро ҳамкорликни ривожлантириш бўйича бир қатор чора-тадбирларни амалга оширишни назарда тутади. Ҳужжат доирасида томонлар бизнес ва савдони ривожлантириш, таълим, маданият, туризм ва спорт каби соҳаларда ҳамкорлик қилишади.
