Тошкент, Ўзбекистон (UzDaily.uz) — 1 август куни кечқурун Тошкент халқаро аэропортининг П7 автотураргоҳига туташ яшил ҳудудда ёнғин содир бўлди.
Соат 18:17 да автотураргоҳ ходими қуруқ ўт тутаётганини пайқаган ва ўз вақтида ёнғин хавфсизлиги хизматига хабар берган. Орадан бир неча дақиқа ўтиб, соат 18:21 да воқеа жойига Аэропорт ёнғин хавфсизлиги хизматининг иккита ўт ўчириш бригадаси етиб келди. Соат 18:32 да ёнғинни тезроқ бартараф қилиш учун шаҳардан яна бир бригада жалб қилинган.
Ўт ўчирувчиларнинг тезкор ҳаракатлари натижасида соат 18:37 га келиб ёнғин тўлиқ ўчирилди. Қурбонлар йўқ, аэропорт ва автотураргоҳ инфратузилмаси зарар кўрмаган.
Ёнғин сабаблари аниқланмоқда.
