Толимаржон ИЭСнинг янги БГУ си 1,52 млрд. кВт с. электроэнергия ишлаб чиқарди
Тошкент, Ўзбекистон (UzDaily.uz) --
Толимаржон иссиқлик электростанциясининг янги буғ-газ ускуналари 2017 йилнинг февраль ойи бошига 1,52 млрд. кВт с. электроэнергия ишлаб чиқарди. Бу ҳақда “Ўзбекэнерго” АЖнинг матбуот хизмати хабар беради.
Толимаржон иссиқлик энергия станциясида қуввати 900 МВт бўлган буғ-газ қурилмаларини ишга тушириш лойиҳаси амалга оширилди.
Толимаржон иссиқлик электростанциясининг янги буғ-газ ускуналарининг қурилишида Жанубий Кореянинг “Hyundai Engineering and Construction” ва “Daewoo International Corporation” компаниялари Консорциуми иштирок этди.
