Саудия Арабистонида бўлган ўзбекистонлик сайёҳлар сони қарийб 50 фоизга ошди

Тошкент, Ўзбекистон (UzDaily.uz) — 2025 йил январь–август ойларида Саудия Арабистонига туризм мақсадида борган Ўзбекистон фуқаролари сони 165,7 минг нафарни ташкил этди, деб хабар берди Миллий статистика қўмитаси.

Бу кўрсаткич ўтган йилнинг шу даврига нисбатан 53,8 минг кишига ёки 48,1 фоизга кўпдир.

Ўзбекистонликларнинг катта қисми — 141,6 минг киши — Саудия Арабистонига сайёҳлик мақсадида йўл олган.

Шунингдек, 23,5 минг фуқаро яқинларини зиёрат қилиш учун борган, 548 киши даволаниш, 62 киши хизмат сафари ва 18 киши ўқиш мақсадида сафар қилган.