Тошкент, Ўзбекистон (UzDaily.uz) — Дунё рейтингида биринчи ўринда турган беларуслик теннисчи Арина Сабаленка US Open 2026 турнирининг тўртинчи босқичига чиқди.
Учинчи босқичдаги баҳсда у жаҳон рейтингида 92-ўринни эгаллаб турган Ўзбекистон вакили Камилла Раҳимовани 6:3, 6:4 ҳисобида мағлуб этди.
Учрашув 1 соат 30 дақиқа давом этди. Сабаленка 10 та эйс қайд этди, бир марта қўш хатога йўл қўйди ва ишлаб олган еттита брейк-пойнтдан иккитасидан фойдаланди.
Раҳимова ўз ҳисобига иккита эйс ёзди, аммо олти марта қўш хато қилди. У учрашув давомида бирорта ҳам брейк-пойнт ишлаб ола олмади.
Кейинги босқичда Сабаленка чорак финалга чиқиш учун баҳс олиб боради. Унинг рақиби россиялик Диана Шнайдер ва америкалик Тэйлор Таунсенд ўртасидаги учрашув якунларига кўра аниқланади.
