Рио-2016: Ўзбекистон бокс мусобақаларида медал жамғариш бўйича 1-ўринни эгаллади

Тошкент, Ўзбекистон (UzDaily.uz) -- Рио-2016 Олимпиада ўйинларидаги асосий медаллар шодаси бизга бокс мусобақаларидан келди. Вакилларимиз бокс мусобақасида 3 та олтин, 2 та кумуш ва 2 та бронза медалини қўлга киритишди. Бу эса бокс бўйиа иштирок этган барча мамлакатлар орасида энг яхши натижадир.

Ўзбекистон термасидан кейин бокс мактаби кучли ҳисобланган Куба термаси жой эгаллади – 3 та олтин ва 3 та бронза. Учинчи ўриндан Франция термаси жой олди – 2 та олтин, 2 та кумуш ва 2 та бронза.

Эслатиб ўтамиз, умумий ҳисобда Ўзбекистон терма жамоаси 13 та медални қўлга киритди: 4 та олтин, 2 та кумуш ва 7 та бронза медали.