Тошкент, Ўзбекистон (UzDaily.uz) — 2026 йил 29 октябрь куни Қирғизистонга қурилиш материалларини импорт қилиш бўйича вақтинчалик чекловлар бекор қилинди. Бу ҳақда Ўзбекистон Республикаси Инвестициялар, саноат ва савдо вазирлиги хабар берди.
Қурилиш блоклари ва ғишт, плита ва кафель, шиша маҳсулотлари ҳамда электр кабеллари каби 14 та товар позициясини олиб киришга қўйилган тақиқ олиб ташланди.
Вазирлик баҳолашича, чекловларнинг бекор қилиниши ўзбекистонлик ишлаб чиқарувчилар ва экспортчилар учун қўшимча имкониятлар яратади.
Улар Қирғизистонга маҳсулот етказиб бериш ҳажмини ошириш, савдо алоқаларини кенгайтириш ва янги экспорт шартномаларини тузиш имкониятига эга бўлади.
