Президент Шавкат Мирзиёев Хитойга жўнаб кетди
Тошкент, Ўзбекистон (UzDaily.uz) --
Ўзбекистон Республикаси Президенти Шавкат Мирзиёев Шанхай ҳамкорлик ташкилоти Давлат раҳбарлари кенгаши мажлисида иштирок этиш учун 8 июнь куни Хитой Халқ Республикасининг Циндао шаҳрига жўнаб кетди. Бу ҳақда Ўзбекистон Республикаси Президенти Матбуот хизмати хабар беради.
Саммитда ташкилот фаолиятини янада такомиллаштириш, минтақавий хавфсизлик, сиёсий, савдо-иқтисодий, инвестициявий, транспорт-коммуникация ва бошқа соҳалардаги ҳамкорликни ривожлантириш масалалари муҳокама қилинади.
Президент Шавкат Мирзиёев ШҲТ саммити доирасида бир қатор давлатлар раҳбарлари билан икки томонлама учрашувлар ҳам ўтказади.
