Ўзбекистонда янги бизнес-омбудсмен тайинланди
Тошкент, Ўзбекистон (UzDaily.uz) — Ўзбекистонда Президент ҳузурида тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил (бизнес-омбудсмен) тайинланди. Ушбу лавозимни Абдуманноп Буриев эгаллади.
Бизнес-омбудсмен институти илк бор Ўзбекистон Республикаси Президентининг 2016 йил 5 октябрдаги ПФ-4848-сон Фармонида белгиланган. Унинг расман ташкил этилиши эса 2017 йил 5 май куни ПФ-5037-сон Фармон асосида амалга оширилган.
Биринчи ваколатли вакил этиб Дилмурод Қосимов тайинланган бўлиб, у 2017 йил 28 июлдаги ПФ-5125-сон Президент Фармонига мувофиқ ушбу лавозимни эгаллаган.
Абдуманноп Буриевнинг тайинланиши тадбиркорлик субъектларининг ҳуқуқларини ҳимоя қилиш институтини ривожлантиришда янги босқични очади.
