Тошкент, Ўзбекистон (UzDaily.uz) — 2026 йил январь–июль ойларида Ўзбекистон 28,2 миллион долларлик 3,5 минг тонна кофе импорт қилди. Ўтган йилнинг мос даврига нисбатан импорт ҳажми 468,2 тоннага ёки 15,6 фоизга ошган.
Бу ҳақда Ўзбекистон Республикаси Миллий статистика қўмитаси хабар берди.
Ҳисобот даврида Ўзбекистонга кофе етказиб берган асосий давлат Россия бўлди. Ундан 2 315,3 тонна кофе импорт қилинган.
Ҳиндистон Ўзбекистонга 260,2 тонна, Италия 230,6 тонна, Бразилия 130,3 тонна, Малайзия эса 96,9 тонна кофе етказиб берган.
Қолган 435,1 тонна кофе бошқа давлатлардан импорт қилинган.
