Ўзбекистонда 9 ойда 177 мингта никоҳ қайд этилди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, Ўзбекистонда 2025 йилнинг январь-сентябрь ойларида ФҲДЁ органларида 177 мингта никоҳ қайд этилган.

Улардан 91 200 таси шаҳарларда, 85 800 таси қишлоқ жойларда қайд этилган.

Мамлакатда никоҳлар сони аста-секин камайиб бормоқда.

Таққослаш учун, 2021 йилнинг шу даврида 206 800 та, 2022 йилда 197 000 та, 2023 йилда 184 500 та ва 2024 йилда 179 400 та никоҳ қайд этилган.