Тошкент, Ўзбекистон (UzDaily.uz) — Жорий йилнинг 23 июль куни Ўзбекистон Республикаси инвестициялар, саноат ва савдо вазири Лазиз Кудратов ҳамда Хорватия Республикаси иқтисодиёт вазири Анте Шушняр ўртасида онлайн музокаралар бўлиб ўтди.
Томонлар савдо-иқтисодий ҳамкорликни янада ривожлантириш, институционал асосда ўзаро алоқаларни кучайтириш ҳамда жорий йилдаги ўзаро ташрифларга тайёргарлик масалаларини муҳокама қилдилар.
Музокараларда энергетика ва қайта тикланувчи энергия манбалари, саноат, транспорт ва логистика, агро-саноат комплекси ҳамда туризм каби устувор соҳаларда инвестициявий ҳамкорликни кенгайтириш истиқболлари атрофлича кўриб чиқилди.
Мулоқот якунида икки томонлама ҳамкорликни янги босқичга олиб чиқиш бўйича аниқ амалий қадамлар белгиланди.
