Ўзбекистон ва CSCEC янги қурилиш лойиҳаларини муҳокама қилишди

Тошкент, Ўзбекистон (UzDaily.uz) — ИССВ вазири ўринбосари Илзат Касимов дунёнинг энг йирик қурилиш корпорацияси - China State Construction Engineering Corporation (CSCEC) раҳбарияти билан учрашди.

Хорижий делегация таркибидан корпорация президенти Вен Бинг, China Construction Fifth Engineering Division директорлар кенгаши раиси Тян Вейго ҳамда CSCEC International ва China Construction Sausum бўлинмаларининг топ-менежерлари ўрин олди.

CSCEC қурилиш саноатининг глобал етакчисидир: у Fortune Global 500 рейтингида кучли 14 таликка киради ва энг йирик халқаро пудратчиларнинг ENR рўйхатида биринчи ўринни эгаллайди.

Ҳозирги вақтда корпорация Тошекнтда йўл инфратузилмасини EPC+F шартлари асосида реконструкция қилиш, қуёш электр станциясини барпо этиш ва "Haitong City" кўп функцияли мажмуасини қуриш каби муҳим лойиҳаларни амалга оширмоқда.

Мулоқотда қўшма инвестиция дастурларининг жорий ҳолати таҳлил қилинди ва уларникенгайтириш истиқболлари муҳокама қилинди.

Музокаралар иштирокчилари стратегик шерикликни давом эттиришга ва янги ташаббусларни илгари суришга тайёрликларини билдирдилар.

Тўғридан-тўғри алоқаларнинг тизимлигига алоҳида эътибор қаратилди, бу эса истиқболли лойиҳаларни амалга оширишни жадаллаштириш ва томонлар ўртасидаги узоқ муддатли ҳамкорликни мустаҳкамлаш имконини беради.