Тошкент, Ўзбекистон (UzDaily.uz) — Ўзбекистон футбол терма жамоаси Эрон устидан қозонилган ғалабадан сўнг FIFA онлайн рейтингида бир поғона юқорилаб, 59-ўринни эгаллади.
Бу ҳақда Ўзбекистон футбол ассоциацияси матбуот хизмати хабар берди.
Эронга қарши учрашувдан сўнг Ўзбекистон терма жамоасининг ҳисобида 6,83 балл қўшилди. Бу жамоага рейтингдаги мавқеини яхшилаш имконини берди.
Ўртоқлик учрашуви пайшанба куни Фарғонада бўлиб ўтди. Ўзбекистон терма жамоаси Эронни 3:1 ҳисобида мағлуб этди.
