Ўзбекистон Президенти Франция раҳбарига ҳамдардлик изҳор этди
Тошкент, Ўзбекистон (UzDaily.uz) --
Ўзбекистон Республикаси Президенти Ислом Каримов Франция Респубикаси Президенти Франсуа Олландга 2016-йилнинг 14-июль куни Ницца шаҳридаги теракт муносабати билан самимий ҳамдардлик изҳор этди.
Давлатимиз раҳбари ўз мактубида кўплаб инсонларнинг ҳалок бўлгани ҳақидаги фожиавий хабарни чуқур қайғу билан қабул қилганлигини қайд этди, қурбон бўлганларнинг оила аъзолари ва яқинларига ҳамда жароҳатлаганларга ҳамдардлик сўзларини етказишни сўради.
