Ўзбекистон инвестиция ва саноат вакиллари РАНEПАда Давлат бошқаруви Олий мактабида ўқув дастурини муваффақиятли якунладилар

Тошкент, Ўзбекистон (UzDaily.uz) — Ўзбекистон Республикаси Инвестициялар, саноат ва савдо вазирлиги вакиллари раҳбарнинг шахсий самарадорлиги ва лидерлик кўникмаларини шакллантиришга бағишланган РАНEПА Давлат бошқаруви Олий мактабида ўқув дастурини муваффақиятли якунладилар.

Дастур доирасида замонавий раҳбарнинг компетенциялари, жамоани шакллантириш ва унда самарали коммуникацияни ташкил этиш қоидалари, жамоаларда ишончни шакллантириш тамойиллари, шунингдек, низолар турлари ва уларни ҳал этиш усуллари ўрганилди.

Амалий машғулотлар доирасида давлат органлари вакиллари учун мўлжалланган нутқ маҳорати бўйича тренинг ташкил этилди.

Дастур якунида иштирокчилар ўқув жараёни давомида тайёрлаган диплом лойиҳаларини тақдим этдилар ва таҳлил қилдилар ҳамда малака ошириш тўғрисидаги сертификатларни қўлга киритдилар.