Ўзгидромет 22–23 август кунлари сел хавфидан огоҳлантирди

Тошкент, Ўзбекистон (UzDaily.uz) — Кутилаётган ёғингарчиликлар муносабати билан 22–23 август кунлари Ўзбекистоннинг тоғ олди ва тоғли ҳудудларида сел ва сув тошқинлари юзага келиши мумкин.

Ўзгидромет айрим ҳудудларни сув босиши хавфи мавжудлигидан огоҳлантириб, тоғли ҳудудлар аҳолиси ва у ерларга ташриф буюрувчиларни эҳтиёт чораларига риоя қилишга чақирди.

Тошкент вилоятининг қатор ҳудудларида сел ва сув тошқинлари хавфи прогноз қилинмоқда. Улар қаторига Оҳангарон, Бўстонлиқ, Паркент, Пискент, Ўртачирчиқ ва Юқоричирчиқ туманлари, шунингдек, Ангрен ва Олмалиқ шаҳарлари киради.

Жиззах вилоятида сел ва сув тошқинлари эҳтимоли Зомин, Бахмал, Ғаллаорол, Шароф Рашидов, Фориш ва Янгиобод туманларида қайд этилган.

Наманган вилоятида огоҳлантириш Поп, Косонсой, Чортоқ, Чуст, Наманган ва Янгиқўрғон туманларига тааллуқли.

Фарғона вилоятида эҳтимолий хавф ҳудудига Сўх, Шоҳимардон, Фарғона ва Бешариқ туманлари киритилган.

Андижон вилоятининг Андижон, Асака, Жалолқудуқ, Қўрғонтепа, Пахтаобод, Избоскан, Хўжаобод ва Марҳамат туманларида, шунингдек, Хонобод шаҳрида сел ва сув тошқинлари юзага келиши прогноз қилинмоқда.

Қашқадарё вилоятида огоҳлантириш Яккабоғ, Деҳқонобод, Чироқчи, Китоб, Шаҳрисабз, Қамаши ва Ғузор туманларига тегишли.

Сурхондарё вилоятида Сариосиё, Узун, Олтинсой, Денов, Бойсун, Шеробод, Шўрчи, Қумқўрғон ва Музработ туманларида сел ва сув тошқинлари хавфи сақланиб қолмоқда.

Ўзгидромет 22–23 август кунлари тоғ олди ва тоғли ҳудудларга сафарларни режалаштиришда об-ҳаво прогнозини ҳисобга олишни ҳамда об-ҳаво шароити ёмонлашган тақдирда хавфсизлик чораларига риоя қилишни тавсия этди.