Тошкент, Ўзбекистон (UzDaily.uz) — 2026 йил январь–сентябрь ойларида Ўзбекистоннинг йирик корхоналари томонидан 22,6 трлн сўмлик электр ускуналари ишлаб чиқарилди.
Бу кўрсаткич 2025 йилнинг мос даврига нисбатан 11 фоизга ошди. Бу ҳақда Миллий статистика қўмитаси хабар берди.
Ишлаб чиқарилган маҳсулотларнинг энг катта қисми Тошкент шаҳри ҳиссасига тўғри келди — 12 трлн сўм. Иккинчи ўринда 4,6 трлн сўмлик кўрсаткич билан Тошкент вилояти жойлашди. Андижон вилоятида эса ишлаб чиқариш ҳажми 1,6 трлн сўмни ташкил этди.
Наманган ва Самарқанд вилоятларида мос равишда 1,3 трлн ва 1,2 трлн сўмлик электр ускуналари ишлаб чиқарилди. Жиззах вилоятида бу кўрсаткич 967,5 млрд сўмга, Фарғона вилоятида эса 513,8 млрд сўмга етди.
Навоий вилоятида ишлаб чиқариш ҳажми 260,2 млрд сўмни, Сирдарё вилоятида 33,6 млрд сўмни, Хоразм вилоятида эса 69,3 млрд сўмни ташкил қилди.
Йирик корхоналар Қашқадарё вилоятида 9,8 млрд сўмлик, Бухоро вилоятида 8,6 млрд сўмлик, Сурхондарё вилоятида эса 6,1 млрд сўмлик электр ускуналари ишлаб чиқарди. Қорақалпоғистон Республикасида ушбу кўрсаткич 2,3 млрд сўмни ташкил этди.
