Ўзбекистон ва Хитой Самарқандда бўлиб ўтадиган Иккинчи минтақалараро форумга тайёргарлик кўрмоқда
Тошкент, Ўзбекистон (UzDaily.uz) — 6 май куни Ўзбекистон Республикаси Инвестициялар, саноат ва савдо вазирлигида вазир ўринбосари Илзат Касимов ва Хитой Халқ Республикасининг Ўзбекистон Республикасидаги Фавқулодда ва мухтор элчиси Ю Жун ўртасида учрашув бўлиб ўтди.
Мулоқот чоғида икки томонлама ҳамкорликнинг долзарб масалалари кўриб чиқилиб, сармоявий соҳада эришилган натижалар сарҳисоб қилинди, жорий йилнинг 1-2 июнь кунлари Самарқанд шаҳрида ўтказилиши режалаштирилган Иккинчи Ўзбекистон-Хитой ҳудудлараро форумига тайёргарлик кўриш масалалари муҳокама қилинди.
Бўлажак тадбирда Ўзбекистон ва Хитойдан 1500 дан ортиқ вакиллар иштирок этиши кутилмоқда. Унинг доирасида Ўзбекистон-Хитой бизнес-форуми, панель мунозаралари, икки давлат миллий маҳсулотлари кўргазмаси бўлиб ўтади.
