Ўзбекистон ва Латвия виза тартибини соддалаштириш йўлларини муҳокама қилди
Тошкент, Ўзбекистон (UzDaily.uz) — 28 январь куни Ўзбекистон ташқи ишлар вазири ўринбосари Олимжон Абдуллаев Ригада Латвия ташқи ишлар вазири Байба Браже ва ТИВ Бош директорат раҳбари Агнеса Кальниня билан учрашув ўтказди.
Учрашув давомида томонлар миграция бўйича битим лойиҳасини муҳокама қилди, ушбу ҳужжат Ўзбекистон фуқаролари учун визавий тартибларни енгиллаштириш имкониятини кўзда тутади.
Учрашув кун тартибидаги асосий масалалар:
Миграция битими муҳокама қилинди, уни яқин келажакда имзолаш имконияти кўриб чиқилмоқда.
Томонлар меҳнат миграцияси соҳасида доимий мулоқотни йўлга қўйиш ва бу йўналишда мунтазам маслаҳатлар ўтказишга келишиб олди.
Латвия Ўзбекистонни Марказий Осиёдаги муҳим ҳамкор сифатида эътироф этди.
Икки давлат ўртасидаги меҳнат миграцияси соҳасидаги ҳамкорлик ўзаро манфаатли ва узоқ муддатли истиқболга эга экани таъкидланди.
Томонлар 2025 йил давомида консуллик маслаҳатлашувлари ўтказиш бўйича келишувга эришди.
Ушбу ташаббуслар икки давлат ўртасидаги ҳамкорликни янада мустаҳкамлашга хизмат қилади.
