Ўзбекистон Ташқи ишлар вазирлиги АҚШдаги ватандошларга эски паспортлар ҳақида эслатди

Тошкент, Ўзбекистон (UzDaily.uz) — Ўзбекистон Республикаси Ташқи ишлар вазирлиги АҚШда яшовчи ўзбекистонликларга эски намунадаги паспортларнинг ҳақиқий эмаслиги ҳақида эслатма берди.

Ташқи ишлар вазирлигининг баёнотига кўра, 2020 йил январидан бошлаб биометрик бўлмаган паспортлардан фойдаланиш тўхтатилган.

Ватанга қайтишни режалаштираётган фуқаролар ўз вақтида АҚШдаги Ўзбекистон дипломатик ваколатхоналарига — Элчихона ёки Бош консулликка мурожаат қилиб, қайтиш сертификатини олишлари лозим. Ушбу ҳужжатсиз мамлакатга кириш имконияти йўқ.