Ўзбекистон ташқи ишлар вазири ўринбосари Туркманистон элчиси билан учрашди

Тошкент, Ўзбекистон (UzDaily.uz) — 29 август куни Ўзбекистон Республикаси ташқи ишлар вазири ўринбосари Бобур Усманов Туркманистоннинг мамлакатимиздаги элчиси Шодурди Мередов билан учрашув ўтказди.

Учрашув давомида олий даражадаги келишувларнинг бажарилиши ва икки томонлама кун тартибидаги долзарб масалалар кўриб чиқилди.

Шунингдек, томонлар бўлажак икки ва кўп томонлама тадбирлар жадвалини муҳокама қилдилар.