“Ўзбекистон ҳаво йўллари” МАК “Тошкент-Самарқанд” рейсига имтиёзли нархларнинг амал қилиш муддатини узайтирди

Тошкент, Ўзбекистон (UzDaily.uz) -- “Ўзбекистон ҳаво йўллари” Миллий авиакомпанияси “Тошкент-Самарқанд” рейсига имтиёзли нархларнинг амал қилиш муддатини узайтирди. Бу ҳақда авиакомпаниянинг матбуот хизмати хабар беради.

Авиакомпаниянинг қайд этишича, “Ўзбекистон ҳаво йўллари” МАК “Тошкент-Самарқанд” рейсига имтиёзли нархларнинг амал қилиш муддатини 2016-йилнинг 30-октябридан 2017-йилнинг 31-январига қадар узайтирди.

Авиачиптанинг нархи 25 еврони ташкил этади.

Авиачипталар Ўзбекистон фуқаролари учун маҳаллий валютада Марказий банкнинг расмий курси бўйича сотилади.