Ўзбекистон Форс кўрфази араб давлатлари билан икки томонлама ҳамкорликни кенгайтиришни муҳокама қилди
Тошкент, Ўзбекистон (UzDaily.uz) — 3 март куни Ўзбекистон Республикаси ташқи ишлар вазирининг биринчи ўринбосари Баҳромжон Аълоев Бирлашган Араб Амирликлари, Кувайт, Саудия Арабистони Подшоҳлиги, Қатар Давлати ва Ўмон Султонлигининг мамлакатимиздаги дипломатик ваколатхоналари раҳбарлари билан учрашув ўтказди.
Мулоқот давомида Ўзбекистон билан Кўрфаз араб давлатлари ўртасидаги кенг қамровли алоқаларни ривожлантириш, “Марказий Осиё – Кўрфаз араб давлатлари ҳамкорлик кенгаши” формати доирасида ҳамкорликни кенгайтириш масалалари муҳокама қилинди.
Шу билан бирга, долзарб минтақавий масалалар, жумладан Яқин Шарқдаги вазият бўйича атрофлича фикр алмашилди.
