Лазиз Қудратов Корея-Ўзбекистон ишбилармонлар уюшмаси раиси ўринбосари билан учрашиб, янги лойиҳаларни муҳокама қилди
Тошкент, Ўзбекистон (UzDaily.uz) — Жорий йилнинг 25 апрель куни Инвестициялар, саноат ва савдо вазири Лазиз Кудратов Корея-Ўзбекистон ишбилармонлар уюшмаси раиси ўринбосари Ким Чанг Кюнг билан учрашди.
Суҳбатда шаҳарсозлик, савдо ва ижтимоий инфратузилма объектларини қуриш лойиҳасини амалга ошириш бўйича келгусидаги чора-тадбирлар муҳокама қилинди.
Хорижий томон конструктив суҳбат учун миннатдорлик билдириб, инвестициялар соҳасидаги ҳамкорликни янада кенгайтиришга катта қизиқиш билдирди.
Учрашув якунлари бўйича томонлар лойиҳани амалга ошириш механизмлари ва муддатларини келишиб олдилар.
