Кристофер Дагган Канаданинг Ўзбекистондаги элчиси этиб тайинланди
Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Канада элчиси Кристофер Дагганнинг ишонч ёрлиқларини қабул қилди.
Кристофер Дагган шунингдек, Қирғизистон, Қозоғистон, Тожикистон ва Туркманистонда ҳам Канада элчиси сифатида фаолият юритади.
Учрашув давомида Бахтиёр Саидов Ўзбекистон ва Марказий Осиёнинг ташқи сиёсати фаоллашаётганини қайд этди ва минтақанинг жаҳон саҳнасидаги ўрни кенгайиб бораётганини таъкидлади.
«Биз Ўзбекистон-Канада муносабатларини ривожлантиришда улкан салоҳиятни кўрамиз. Жаноб элчининг фаолияти муваффақиятли бўлишини ва икки мамлакат ўртасидаги мавжуд алоқаларни мустаҳкамлашда, янги ҳамкорлик кўприкларини яратишда самарали иш олиб боришини тилаймиз», — деди Ўзбекистон ташқи ишлар вазири.
