Тошкент, Ўзбекистон (UzDaily.uz) — «Ал-Наср» ҳужумчиси Криштиану Роналду Саудия клубининг Тошкентнинг «Пахтакор» жамоасига қарши сафардаги учрашувини ўтказиб юборади. Португалиялик футболчи бўлажак ўйин учун жамоа қайдномасига киритилмаган.
Arriyadiyah нашри хабар беришича, бош мураббий Постекоглу ҳам Моҳамед Симакан ва вингер Кингсли Команни Ўзбекистонга сафар қиладиган таркибга киритмасликка қарор қилган. Уларнинг ўрнига Ар-Риёд клуби қайдномасидан 18 ёшли ҳужумчи Абдулраҳмон Суфяни ўрин олади.
Осиё футбол конфедерациясининг Элит чемпионлар лигаси доирасидаги «Пахтакор» ва «Ал-Наср» ўртасидаги учрашув 2 ноябрь куни Тошкентда бўлиб ўтади. Роналду жамоаси билан бирга Ўзбекистон пойтахтига келиши кутилган эди. Шу боис унинг ўйинда иштирок этиш эҳтимоли маҳаллий мухлислар орасида катта қизиқиш уйғотганди.
Икки турдан кейин «Ал-Наср» уч очко жамғарган ва турнир жадвалида тўққизинчи ўринни эгаллаб турибди. Клуб пешқадам «Ал-Айн»дан олти очкога ортда қолмоқда.
