Тошкент, Ўзбекистон (UzDaily.uz) — Ўзбекистон терма жамоаси аъзоси Алишер Ғаниев Қозоғистонда ўтаётган спорт курашлари бўйича жаҳон чемпионатида бронза медалини қўлга киритди. У юнон-рум кураши бўйича 60 кг гача бўлган вазн тоифасида иштирок этди.
Учинчи ўрин учун кечган беллашувда ўзбекистонлик спортчи Германия вакилидан устун келиб, миллий терма жамоага жорий жаҳон чемпионатидаги илк медални тақдим этди.
Ўтган йили жаҳон чемпионати финалига қадар етиб борган Ғаниев фаолиятида иккинчи марта жаҳон чемпионати совриндори бўлди.
