Касбий таълим агентлиги директорининг ўринбосарлари тайинланди
Тошкент, Ўзбекистон (UzDaily.uz) — Ўзбекистон Республикаси Вазирлар Маҳкамаси Олий таълим, фан ва инновациялар вазирлиги ҳузуридаги Касбий таълим агентлиги директорининг янги ўринбосарларини тайинлади.
Шихназар Шарофаддинов Агентлик директорининг ўринбосари лавозимига тайинланди. У бунга қадар Олий таълим, фан ва инновациялар вазирлигининг Касбий таълим департаментига раҳбарлик қилиб келган.
Агентлик директорининг иккинчи ўринбосари лавозимига эса аввал Касбий таълим агентлигининг молиявий-иқтисодий таъминот ва моддий-техника базасини мустаҳкамлаш бошқармаси бошлиғи вазифасида ишлаб келган Авзальхон Абдуллахонов тайинланди.
