Тошкент, Ўзбекистон (UzDaily.uz) — Uzbekistan Airways ва Афғонистоннинг Kam Air авиакомпанияси ҳамкорликни кенгайтириб, йўловчиларга Кобулдан учиш ва орқага қайтишда Тошкент орқали транзит билан ягона авиачипталарни харид қилиш имкониятини тақдим этди.
Бундай йўналишлар учун авиачипталар 2026 йил сентябрь ойидан сотувга чиқарилди. Бу ҳақда Uzbekistan Airways хабар берди.
Ҳамкорлик доирасида Kam Air йўловчилари Тошкент орқали парвоз қилиб, кейин Uzbekistan Airways рейсларига ўтиб, 15 та йўналиш бўйича сафарларини давом эттиришлари мумкин. Йўналишлар тармоғига Сеул, Париж, Урумчи, Остона, Санкт-Петербург, Москва, Новосибирск, Минск, Пхукет, Нижний Новгород, Рига, Тбилиси, Милан, Деҳли ва Қозон шаҳарлари киради.
Транзит йўловчилари учун якуний манзилгача ягона рўйхатдан ўтиш имконияти назарда тутилган. Бунда багаж ҳам якуний манзилгача расмийлаштирилади. Бу Тошкент аэропортида транзит жараёнини соддалаштириш имконини беради.
Тошкент орқали уланма рейсларга авиачипталарни Uzbekistan Airways’нинг расмий сайти, авиакомпаниянинг мобил иловаси, Uzbekistan Airways Sales филиали, шунингдек, ташувчининг расмий агентлари орқали харид қилиш мумкин.
Янги келишув Тошкент орқали Кобул ва Uzbekistan Airways йўналишлар тармоғидаги шаҳарлар ўртасида сафар қилаётган йўловчилар учун имкониятларни кенгайтиради.
