Hu:Corp ўзбек ёшларини АТ, гаминг, контент яратиш ва бошқа соҳаларга ўқитиб Корея бозорига экспортни йўлга қўяди

Тошкент, Ўзбекистон (UzDaily.uz) — «Hu:Corp» компанияси Ўзбекистонда ёшларни АТ, гаминг, контент яратиш ва бошқа соҳаларга ўқитиб Корея бозорига экспортни йўлга қўяди.

Рақамли технологиялар вазири ўринбосари Кореянинг «Hu:Corp» МЧЖ раҳбари Ким Ши билан учрашув ўтказиб, икки томонлама таълим ва АТ хизматлар экспортини йўлга қўйиш борасида ҳамкорликни муҳокама қилди.

Учрашув давомида Ўзбекистонда Кореянинг етакчи университетлари ўқув кампусларини ташкил этиш имкониятлари кўриб чиқилди.

Шунингдек, рақамли таълимни ривожлантириш тизимларини жорий этишга инвестиция киритиш ҳамда Кореянинг илғор АТ академиялари билан самарали ҳамкорликни йўлга қўйиш келишилди.