Геология вазирлиги Япониянинг Marubeni компанияси билан ҳамкорликни муҳокама қилди

Тошкент, Ўзбекистон (UzDaily.uz) — Ўзбекистон Республикаси Тоғ-кон саноати ва геология вазирининг биринчи ўринбосари Ф. Хамидова Япониянинг Marubeni Corporation компанияси делегацияси билан учрашув ўтказди. Делегацияга ядро ёқилғиси департаменти бош менежери Нарита Теппеи бошчилик қилди.

Учрашув давомида иштирокчилар Marubeni Corporation компаниясининг асосий фаолият йўналишлари ҳамда Ўзбекистонда амалга оширилган лойиҳалар билан танишдилар. Компания делегацияси тармоқ корхоналари билан ҳамкорликни ривожлантиришдан манфаатдор эканини билдирди.

Томонлар ишлаб чиқариш жараёнлари самарадорлигини оширишга қаратилган рақамли ечимларни жорий этиш истиқболларини муҳокама қилдилар, шунингдек, тоғ-кон саноатида замонавий технологияларни қўллаш масалалари юзасидан фикр алмашдилар.