Гаяне Умерова Помпидоу маркази билан ҳамкорлик ва Тадао Андо лойиҳасини муҳокама қилди

Тошкент, Ўзбекистон (UzDaily.uz) — Ўзбекистон Маданият ва санъатни ривожлантириш жамғармаси раиси Гаяне Умерова Помпиду маркази президенти Лоран Ле Бон билан учрашди.

Томонлар музейлар иши, жумладан, коллекцияларни бошқариш, муассасавий шерикликни ривожлантириш ва қўшма лойиҳаларни амалга ошириш соҳасида узоқ муддатли ҳамкорлик истиқболларини муҳокама қилдилар.

Учрашувда музейлар ўртасидаги ҳамкорлик истиқболлари, шу жумладан, И. В. Савиский номидаги Қорақалпоғистон Республикаси давлат санъат музейи сара тўпламларини биргаликда тадқиқ этиш, кўргазма лойиҳаларини ташкил этиш, касбий алмашинув ва муассасавий шерикликни ривожлантириш масалалари кўриб чиқилди.

Помпиду маркази ва Тадао Андо лойиҳаси бўйича Ўзбекистон Миллий музейи ўртасидаги ҳамкорлик имкониятларига алоҳида эътибор қаратилди.

Учрашув якунида Ўзбекистон делегациясига Помпиду марказининг бўлажак халқаро лойиҳалари ва тадбирлари тақдим этилди.

Делегация, шунингдек, 2030 йилда ташриф буюрувчилар учун қайта ишга тушириладиган кенг кўламли реконструкция қилиш жараёни билан танишди.