Футзал. Ўзбекистон Озарбайжон билан иккита ўйин ўтказади
Тошкент, Ўзбекистон (UzDaily.uz) --
Футзал бўйича Ўзбекистон миллий терма жамоаси Колумбияда бўлиб ўтадиган Жаҳон чемпионатига тайёргарликни давом эттирмоқда.
Хосе Мария Мендез бошчилигидаги терма жамоамиз 16- ва 17-август кунлари Озарбайжон терма жамоаси билан иккита ўртоқлик учрашуви ўтказади. Ҳар икки учрашув ҳам Тошкентда бўлиб ўтади. Озарбайжонликлар пойтахтимизга 15 августда учиб келишади, деб хабар беради ЎФФ Матбуот хизмати.
Эслатиб ўтамиз, Ўзбекистон терма жамоаси мундиалнинг "A" гуруҳида Колумбия, Португалия ва Панама терма жамоаларига қарши баҳс олиб боради.
