Доҳада Ўзбекистон ва Қатар Ташқи ишлар вазирликлари ўртасида сиёсий маслаҳатлашувлар ўтказилди

Тошкент, Ўзбекистон (UzDaily.uz) — Доҳада Қатар Давлати ва Ўзбекистон Республикаси Ташқи ишлар вазирликлари ўртасида сиёсий маслаҳатлашувлар раунди бўлиб ўтди.

Қатар томонидан учрашувга хорижий давлат ишлари вазири Султон бин Саад Аль-Мурайҳи раҳбарлик қилди, Ўзбекистон томонидан эса биринчи вазир ўринбосари Бахром Алиев қатнашди.

Учрашувда икки мамлакат ўртасидаги икки томонлама ҳамкорлик масалалари ҳамда уни қўллаб-қувватлаш ва мустаҳкамлаш йўллари муҳокама қилинди.