АКБ “Капиталбанк” 15 млн евро миқдорида кредит жалб қилди
Тошкент, Ўзбекистон (UzDaily.uz) — Капиталбанк Германиянинг Helaba (Landesbank Hessen-Thüringen) банки билан 15 миллион евролик савдони кредитлаш бўйича икки томонлама келишув имзолади.
Келишув битими имзоланиши 14-15 январь кунлари Вена шаҳрида бўлиб ўтаётган Euromoney 2025 халқаро иқтисодий форуми доирасида бўлиб ўтди.
Бу стратегик шериклик экспорт-импорт операцияларини қўллаб-қувватлаш ва мамлакатлар ўртасидаги иқтисодий алоқаларни мустаҳкамлашга қаратилган.
Келишув икки давлатда халқаро савдо лойиҳаларини амалга ошириш ва бизнесни ривожлантириш учун кредит ресурсларини тақдим этишни назарда тутади.
