Абдуқодир Ҳусанов —собиқ иттифоқ ҳудудидан АПЛдаги энг қиммат футболчи
Тошкент, Ўзбекистон (UzDaily.uz) — «Манчестер Сити»нинг ўзбек ҳимоячиси Абдуқодир Ҳусанов Англия Премьер-лигасида собиқ иттифоқ мамлакатларидан чиққан энг қиммат футболчилар рейтингида биринчи ўринни эгаллади, деб хабар берди Transfermarkt портали.
Портал маълумотига кўра, яқинда АПЛ футболчиларининг бозор қиймати янгиланди. Ҳусановнинг нархи ўзгаришсиз қолган — €35 миллион, бу эса унга собиқ иттифоқ ҳудудидан бўлган футболчилар орасида етакчи бўлиб қолиш имконини берди.
Рейтингнинг иккинчи ўрнини «Ливерпуль» дарвозабони, грузиялик футболчи Георгий Мамардашвили €28 миллион баҳоланган ҳолда эгаллади. Учинчи поғонада эса «Эвертон»нинг украин ҳимоячиси Виталий Миколенко жой олган бўлиб, унинг қиймати €25 миллионни ташкил қилади.
