2026 йилда Рамазoн ойи 19 февралда бошланади, Ид ал-Фитр байрами — 20 мартда

Тошкент, Ўзбекистон (UzDaily.uz) — Туркий давлатлар ташкилоти (ТДТ) мусульмон диний идоралари раҳбарлари кенгаши фaтвo қўмитаси Самарқанддаги йиғилишда 2026 йил (1447 ҳижрий) учун муқаддас Рамазан ойининг бошланиш санаси ва Ид ал-Фитр байрами кунларини белгилади.

Қўмита қарорига кўра, 2026 йилда Рамазoн ойи 19 феврал, пайшанба кунидан бошланади, Ид ал-Фитр байрами эса 20 март, жума куни нишонланади.

Қарор ТДТ мамлакатлари диний идоралари ҳамкорлиги ҳамда астрономик ҳисоб-китоблар асосида қабул қилинган бўлиб, бу туркий давлатлар мусульмон жамоаларида диний амалларни мувофиқлаштириш ва ой тақвими бўйича замонавий илмий маълумотларни ҳисобга олиш имконини беради.

Қўмита расмий баёнотида раҳм-шафқат ва кечирим даври олдидан бутун ислом олами ва инсоният учун тинчлик, фаровонлик ва руҳий янгиланиш тилақлари билдирилган. Ўзбекистонда Рамазан ойининг бошланиш санаси қўшимча равишда расман тасдиқланади.