Toshkentda DoubleTree by Hilton mehmonxonasi ochildi

Toshkent, O‘zbekiston (UzDaily.uz) — 2026-yilning 21-aprel kuni Toshkent shahrida “DoubleTree by Hilton” brendining O‘zbekistondagi ilk loyihasi — “DoubleTree by Hilton Tashkent” yangi mehmonxonasining ochilish marosimi bo‘lib o‘tdi. 

Mazkur voqea mamlakatda xalqaro mehmonxona tarmoqlari ishtirokining kengayishida yana bir muhim qadam bo‘lib, O‘zbekistonning turistik salohiyatiga bo‘lgan qiziqishning kuchayishi hamda turli mamlakatlardan kelgan sayyohlar uchun tobora jozibador maskanga aylanib borayotganidan dalolat beradi.

Shu bilan birga, “DoubleTree by Hilton” kabi xalqaro brendlarning kirib kelishi mehmondo‘stlik sohasida raqobatning rivojlanishiga hissa qo‘shib, mamlakatdagi xizmatlar sifati va sayyohlik takliflari xilma-xilligiga ijobiy ta’sir ko‘rsatmoqda.

Mamlakatda yangi mehmonxonalarning ochilishi O‘zbekiston sayyohlik sohasining barqaror o‘sish sur’atlarini va uning rivojlanishiga davlat hamda xalqaro darajada ortib borayotgan e’tiborni aks ettiradi.