Toshkent, O’zbekiston (UzDaily.uz) — O‘zbekiston terma jamoasi bokschisi Shavkatjon Boltayev Osiyo o‘yinlarida 70 kilogrammgacha bo‘lgan vazn toifasida bronza medalini qo‘lga kiritdi. Bu haqda O‘zbekiston Boks federatsiyasi xabar berdi.
Musobaqaning yarim final bosqichida Boltayev Qozog‘iston vakili Torexan Sabirxanga qarshi ringga chiqdi. O‘zbekistonlik sportchi keskin va murosasiz kechgan jangni o‘tkazdi, biroq bahs yakuniga ko‘ra 0:5 hisobida raqibiga mag‘lub bo‘ldi.
Shu tariqa, Shavkatjon Boltayev Osiyo o‘yinlaridagi ishtirokini bronza medali bilan yakunladi.
