Toshkent, O‘zbekiston (UzDaily.uz) — JETRO ijrochi vitse-prezidenti Takafumi Suzaki bilan uchrashuvda Oʻzbekistonda AT outsourcing sohasida yaratilgan qulay sharoitlar va JETRO bilan yoʻlga qoʻyilgan samarali hamkorlik natijalari muhokama qilindi.
ICT Week doirasida ilk bor Yaponiya pavilyoni tashkil etilib, unda 10 dan ortiq yetakchi yapon AT kompaniyalari ishtirok etdi. Shuningdek, IT Parkda yapon rezident kompaniyalar soni 20 tadan oshgani qayd etildi.
Suzaki Oʻzbekistonning AT taʼlimi va yoshlarning texnologik koʻnikmalari xalqaro miqyosda eʼtirof etilayotganini taʼkidladi. Bu esa yanada koʻproq yapon kompaniyalarini mamlakatimizga jalb etish uchun mustahkam zamin yaratayotgani qo‘shimcha qilindi.
