Italiyadan O‘zbekistonga 21 ming sayyoh keldi

Toshkent, O’zbekiston (UzDaily.uz) — 2026 yilning yanvar–iyul oylarida O‘zbekistonga Italiyaning 21 ming fuqarosi tashrif buyurdi. Ularning aksariyati mamlakatga sayohat qilish maqsadida kelgan. Bu haqda Milliy statistika qo‘mitasi xabar berdi.

Idora maʼlumotlariga ko‘ra, Italiyadan 20,1 ming fuqaro O‘zbekistonga sayohat maqsadida kelgan. Yana 556 kishi xizmat maqsadida tashrif buyurgan.

Qarindoshlarini ko‘rish uchun O‘zbekistonga 320 nafar Italiya fuqarosi kelgan bo‘lsa, taʼlim olish maqsadida 61 kishi tashrif buyurgan. Davolanish va tijoriy maqsadlarda esa uch nafardan fuqaro kelgan.

Shunday qilib, Italiyadan O‘zbekistonga kelganlarning umumiy sonida turistik safarlar ulushi qariyb 95,7 foizni tashkil etgan. Hisob-kitob 20,1 ming nafar sayyoh va umumiy 21 ming nafar tashrif buyuruvchi ko‘rsatkichlari asosida amalga oshirilgan.