Von Do Yon

Von Do Yon 2024-yil iyunidan buyon Koreya Respublikasining Oʻzbekistondagi Favqulodda va Muxtor elchisi lavozimida faoliyat yuritmoqda. Seul milliy universitetining bitiruvchisi, 1995-yildan davlat xizmatida: Koreya Respublikasi Mudofaa vazirligi, Davlat axborot agentligi va Tashqi ishlar vazirligida, jumladan, Bangladesh, Jeneva va Nyu-Yorkdagi (BMT huzurida) diplomatik vakolatxonalarda ishlagan. Toshkentga tayinlanishidan avval TIV Taraqqiyot yoʻlida xalqaro hamkorlik byurosiga rahbarlik qilgan. Oʻzbekistonda ikki davlat oʻrtasidagi alohida strategik sheriklikni savdo, investitsiyalar, energetika, togʻ-kon sanoati, taʼlim va mehnat migratsiyasi sohalarida rivojlantirishga koʻmaklashmoqda. «Markaziy Osiyo – Koreya Respublikasi» formatidagi birinchi sammitni tayyorlashda ishtirok etgan.