Toshkent, O’zbekiston (UzDaily.uz) — 8 oktyabr kuni O‘zbekistonda “Afrosiyob” yuqori tezlikda harakatlanuvchi elektropoyezdining muntazam qatnovi yo‘lga qo‘yilganiga 15 yil to‘ldi.
Toshkent — Samarqand — Toshkent yo‘nalishi bo‘yicha birinchi qatnov 2011 yil 8 oktyabrda amalga oshirilgan.
Ispaniyaning Talgo kompaniyasi tomonidan ishlab chiqarilgan poyezd Markaziy Osiyodagi birinchi yuqori tezlikda harakatlanuvchi tarkib bo‘ldi va mamlakatda tezyurar temir yo‘l qatnovini rivojlantirishga asos soldi.
Talgo 250 rusumli dastlabki ikkita poyezd sotib olinganidan keyin “Afrosiyob” parki yangi elektropoyezdlar bilan to‘ldirildi.
Hozirgi vaqtda O‘zbekistonda yo‘lovchilar xavfsizligini taʼminlashning zamonaviy texnologiyalari va vositalari bilan jihozlangan oltita poyezd tarkibi ekspluatatsiya qilinmoqda.
Yo‘nalishlar tarmog‘i Toshkentni Samarqand, Buxoro, Qarshi va Shahrisabz kabi bir qator yirik shaharlar bilan bog‘laydi.
Poyezdlar yo‘lovchilarga poytaxt va mamlakatning tarixiy hamda turistik markazlari o‘rtasida tezkor va qulay qatnovni taʼminlaydi.
15 yil davomida “Afrosiyob” O‘zbekiston temir yo‘l transportini modernizatsiya qilish ramzlaridan biriga aylandi va shaharlar o‘rtasidagi safar vaqtini qisqartirdi.
